Einhvers konar fullkomnun...

Sælan dag...

2006-08-03T12:43:00.000Z

...ágúst kominn eins & stormsveipur - þetta er alveg þrælmagnað.

Dagurinn í gær fannst mér afar sorglegur, tregablandinn & erfiður; það að koma fyrir hornið á Háteigskirkju, sjá öll hjólin & aðstandendur, vini & kunningja þessa yndislega drengs saman komin til að fylgja honum til grafar var ofsalega sárt. En athöfnin & umgjörðin öll svo ótrúlega falleg & áhrifamikil. Hans verður sárt saknað. Sá að búið er að stofna minningarsíðuna http://birkirjonsson.rafninn.net/ & semja lag til hans sem er rosalega fallegt.

Er annars að fara að vinna & spjalla betur við tækifæri.

Fallvalt líf...

2006-07-27T17:42:00.000Z

Sá lærir sem lifir... maður ætti líka að læra það að vera duglegri að sinna öllum þeim sem manni þykir vænt um, lífið hefur margsannað það að það er ekki um neina miskunn að ræða & það virðist sem oft sé ekki hægt að átta sig fyrr en allt er orðið of seint. Var að lesa bloggið hjá Ómari, gömlum vini sem á, meðal annara, um afar sárt að binda þessa dagana; ég finn til svo mikillar samúðar. Maður verður að fara að læra að taka lífinu ekki sem sjálfsögðum hlut...það er svo margt sem er til staðar & manni finnst að muni alltaf vera þar, sama hvað - en eins & svo oft áður kemur annað í ljós.

Mig langar svo oft að vera betri manneskja, gefa af mér & hjálpa þeim sem þurfa á því að halda. Afhverju er ekki bara hægt að hætta að hugsa & fara að framkvæma? Það er mitt markmið. Annars er bara búið að vera nóg að gera hjá mér undanfarið, fer í sumarpróf í ágúst & þarf að fara að haska mér í lærdómnum. Langar svo líka að fara að finna e-a spennandi ferð til að fara í um jólin, það er alveg draumurinn að vera á Kanarí eða álíka.

Aftur komin í Trimform, eftir alltof langa pásu & líka búin að druslast í Baðhúsið - ekki veitti af:/ Svo er veturinn á næsta leyti, það tók því þá að fá sumarið;)) fljótara en fljótast að líða!!

Jesús, er með æluna í hálsinum - meika ekki að skrifa meir; síjú*

Stundum eru bara ekki til nein orð...

2006-07-24T21:30:00.000Z

Kæri hjartans Birkir, ég óska þér alls hins besta á öðrum stað – þær eru margar hugsanirnar sem fljúga í gegn um huga manns á svona stundum. Takk fyrir allar skemmtilegu stundirnar fyrr á árum.
Mínar innilegustu samúðarkveðjur til allra sem eiga um sárt að binda á mikilli sorgarstund, þín verður sárt saknað.
Hvíl í friði elsku vinur.

Og hananú sagði kerling...

2006-07-23T10:24:00.000Z

...ég er vægast sagt lélegur ritari, það er komið á hreint. Samt sem áður hefur reyndar verið alveg klikkað mikið að gera hjá mér - júnímánuður var pakkaður af vinnu & það sem af er júlí hefur eiginlega bara verið frekar súrt; ég með stöðuga fyrirtíðaspennu & kvíðaköst einsog illa tæpur geðsjúklingur... Maður er svo eðlilegur eitthvað. Var að enda við að tala við hana Heiðu mína, það var æði - höfum ekki átt almennilegt spjall í hundrað ár; hún er svo mikil perla í skel. Svo hef ég verið að velta því fyrir mér í sambandi alla smáu hluti sem manni finnst e-n veginn vera sjálfsagt, maður á það til að láta þá fljóta framhjá sér & fyrr en varir er orðið of seint að gera eitthvað í hlutunum. Það er þannig að maður getur ekki breytt neinni manneskju nema sjálfri sér, & ég ákvað um daginn að taka mig alveg í gegn. Ég er gjörsamlega orðin stöðnuð & nett rotin pía í það heila. Nú fer ég að vera skemmtileg, held að ég geti það nefninlega alveg þegar ég tek mig til... búin að vera herfilega leiðinleg & pirrandi undanfarið, en nú skal breyting þar á. Búið að vera nóg að gera í vinnunni, alltaf jafn yndislegt & gott fólk þar á ferð; hver persóna annari frábærari. Haukur sætasti algjör engill & gullmoli, hefði ekki getað órað fyrir því að það væri hægt að bera svona miklar & sterkar tilfinningar til annarar manneskju, takk fyrir að gefa mér færi á því!!

Annars bara langar mig að koma því á framfæri að mér þykir ótrúlega mikið vænt um fólkið í kringum mig & óska öllum alls þess besta út úr lífinu. Eigið yndisfríðan dag;)

Halló halló

2006-06-27T14:14:00.001Z

Maður er stundum svo súr... hef verið illilega upptekin e-ð undanfarið & þegar ég er ekki að vinna, er ég hreinlega pínu löt & eyði mestum mínum tíma með ástarpúðanum mínum. Vil allavegana alls ekki vera bara e-ð hangsandi í tölvunni þegar það koma góðir dagar til að gera eitthvað allt, allt annað:) Annars bara fínasta að frétta, loksins komin á skrið með að fara að koma íbúðinni á sölu, máluðum t.d. um helgina - bæði vinnubílinn hans Hauks að innan & stofuna líka...maður er "stundum" svo virkur...

Væri alveg til í að smella mér norður á Landsmót um helgina en er víst að vinna á föstudaginn & á stand by alla helgina, geri þá víst eitthvað voða lítið af viti... Fæ reyndar alveg svaka frábært frí lok mánaðarins & þá verður maður að reyna að smella sér í pínu útilegu eða e-ð út á land í það minnsta.

Skrifa meira við fyrsta tækifæri. Síjú sugars*

Halló halló

2006-06-27T14:14:00.000Z

Seint skrifa sumir...

2006-05-17T12:24:00.000Z

en skrifa þó... ferlega hefur verið langt síðan síðast. Svosem ekki mikið markvert búið að gerast, en maður er allavegana enn á jörðinni:) Prófin loks búin, allavegana ein átta sem er komin úr prófunum, enn að bíða eftir hinum einkunnunum - gekk samt alls ekki vel í einu; það var líka aðeins of erfitt...maður getur víst ekki verið alveg fullkominn;)

Annars er ég bara búin að bruna á hjólinu undanfarna daga, enda ekki mikið annað í boði fyrr en ökuréttindin koma til mín á ný þann 22. september!! Það verður sérdeilis skemmtilegur dagur:) Reyndar finnst mér alveg þrælfínt að hjóla bara, fín æfing & góð brennsla - að ógleymdu því hvað mér líður vel við að komast aðeins nær náttúrunni en undanfarið... Sem minnir mig á það að ég þarf nauðsynlega að fara að drífa mig austur á hestbak!!

Svo er tíminn alveg hrikalega fljótur að líða; búin að eiga kærasta í hálft ár í dag - & það er sko áfangi út af fyrir sig; ekki grunaði mig það fyrir rúmu hálfu ári að ég ætti nokkru sinni eftir að byrja á föstu. En þetta er búið að vera voða gott allt saman; agalega krúttaralegt & skemmtilegt.

Get ekki beðið eftir því að byrja svo að fljúga aftur, smá upprifjunarnámskeið í lok mánaðarins & svo getur maður farið að skella eilífðarbrosinu upp & setja góða skapið í fyrirrúm. Maður er alltaf eitthvað svo glaður í flugvél, með fullt af kátu fólki á leið til útlanda.

En annars, bið hrikalega vel að heilsa & vona að þið eigið yndislegan dag - það ætla ég allavegana að reyna að gera:)

Halló súkkulaðisykurpúðar...

2006-04-23T10:54:00.000Z

Hérna er allt við sama heygarðshornið - á auðvitað að vera að læra, en finnst ég verða að segja nett hæ & aðeins rúmlega það, er ekki að standa mig í stykkinu...

Ég er eiginlega nokkuð viss um að ég er fíkill - og þá meina ég fíkill á allt; ef mér finnst eitthvð gott, þá á ég það til að fá æði fyrir því & hef einmitt lent í því þónokkuð oft með t.d. banana & kavíar, kremið af kókosbollum, græn epli, allskyns sósur, abmjólk með ávöxtum & fullt af e-u drulli, kartöflur, maltöl & appelsín... borða nánast bara það sama í öll mál þangað til ég get ekki hugsað mér að láta það ofan í mig aftur. En svo hugsa ég bara viðstöðulaust um að mig langi í eitthvað - alltaf eitthvað nartandi og hef sjálfsstjórn á við heiladauðan fisk... frekar vonlaus & ég er viss um að þetta er einhvers konar sjúkdómur.

Annars er bara allt alveg ótrúlega fallegt hérna á heimilinu, eintóm gleði & hamingja alla daga.

Prófin byrja í næstu viku svo það verða bara rólegheit næstu helgar (eins og svosem undanfarnar) afþví ég verð í bókum allan sólarhringinn!! Engar pásur - nema auðvitað til að leika aðeins við minn heittelskaða & jafnvel til að sofa svona rétt á milli 4 & 7 á næturnar...

Er farin að lesa, hópknús & ósk um yndislega viku:)

Sko stelpuna...

2006-04-18T09:53:00.000Z

Þrátt fyrir að ég efist um að nokkur nenni að eyða tíma í að skoða þessa sorglegu síðu, þá ætla ég samt sem áður að skrifa nokkrar línur til að redda samviskunni. Páskafríið fór frekar snöggt í gegn einhverrra hluta vegna, en var samt sem áður afar kósý. Við krúttkögglarnir skelltum okkur til mömmu í heimsókn á laugardagskvöldið, grilluðum kjöt, elduðum humar & höfðum það bara gott. Sváfum líka vel, það var ekki verra - held að maður hafi ætlað að horfa á nokkrar videospólur, en ég er auðvitað alltaf jafn skemtileg í þeim bransa & sofna við fyrsta tækifæri. Komum í bæinn í gær & fórum með litla sólargeislann hans Hauks á Kalla á þakinu - alltof langt síðan maður hefur farið í leikhús & þetta var alveg hreint þrælskemmtilegt:)

Svo er bara átak núna, í sameiningu búin að stúta nánast þremur páskaeggjum - sem er alveg tveimur of mikið, enda er komið að því að rífa sig upp & fara að hreyfa sig örlítið meira en hefur verið undanfarið. Alltof langt síðan ég hef farið í Baðhúsið, þetta fer að verð avandræðalegt. Annars er allt niðrum mann bara í skólanum, kæruleysið búið að vera viðloðandi - en ekki lengur...

Koss & knús þar til næst*

Seint skrifa sumir...

2006-03-28T20:31:00.000Z

Axel Óli & Eva aðalgella eiga afmæli í dag; þau eru algjörir gullmolar. Til hamingju með það:)

Tölvan mín er enn bara gallsúr úti í Nýherja og sú nýja hefur örugglega bara farið í B-pósti eða með einhverri skútu miðað við það hversu langan tíma þetta hefur tekið. Búið að vera frekar mikið að gera undanfarið, fór t.d. austur um helgina og hitti Drífu & Maríönnu meðal annara. Alltof vonlaust hvað maður hittir vini sína sjaldan, jafnvel þó þeir búi í næstu götu. Það er eiginlega bara til skammar.

Svo var hvolpaskólinn brjáðsnjalli í gærkvöldi, Pixy litla þarf nú að mennta sig eins og maður sjálfur - gekk misvel svona, en þetta kemur eflaust á endanum þó maður geri sér ekkert neinar svaka væntingar til þessa smáa heila:)

Varð svo guðslifandi fegin í morgun, þar sem við áttum fimm saman að flytja fyrirlestur í einum tíma en það slapp sem betur fer og bíður fram í næstu viku. Ég var byrjuð að roðna í gærkvöldi sko & með æluna uppi í hálsi frameftir morgni , finnst allt svona alveg hreint gjörsamlega vonlaust í alla staði. Maður er bara svo suddalega bældur... Við vorum búnar að æfa okkur svaka vel, en þetta er sko ekki mitt sérsvið, skrópaði oft bara í framhaldsskóla þegar eitthvað svona "standa fyrir framan alla og tala" blasti við. Fer alveg í kerfi og enda í skjálfandi í kvíðakasti með tímabundna heilalömun. Verður bara flökurt við tilhugsunina...

Mér finnst annars bara afar gaman að vera til þessa dagana og vona að allir hafi það sem allra best:)

Það er svo margt...

2006-03-16T20:30:00.000Z

Ekki alls fyrir löngu stóð ég í þeirri trú að ég myndi falla í tegundahópinn "kynleysingi" þar sem makaleit eða þ.h. hefur aldrei verið mér neitt hugleikið. Í ljósi þess að maður hefur upplifað ýmislegt í gegnum tíðina, sem tengist inn á samskipti kynjanna hef ég verið svolítið dugleg í að spekúlera í öllu sem tengist mannlegu eðli, hegðun kynjanna, persónugerðum, & því sem gerir manninn að manni & konuna að konu. Einhver vildi meina að konur væru líka menn, en erum við þá ekki farin að fara framúr okkur hvað jafnrétti varðar? Ég meina, eru menn ekki einfaldlega menn og konur konur; það er það sem gefur okkur sérstöðu sem einstaklingar, en samheitið aftur á móti væri þá auðvitað manneskjur.

Eitt af þessu hugsunarefni er líka það hvers vegna ákveðnar persónur laðast hver að annari og afhverju maður á auðveldara með að tengjast sumum fólki en öðru, hvort heldur sem átt er við vini, kunningja, ókunnuga, fjölskyldu eða maka... Í Blaðinu í dag er einmitt grein byggð á þáttum líf-, erfða- & taugafræði um aðdráttarafl . Þar er bent á að samspil gena, hormóna og taugaboðefn hafi áhrif á hvern einstakling fyrir sig og samkvæmt grófri flokkunaraðferð benda sérfræðingar á að magn boðefna (serótóníns, estrógens, dópamíns og testósteróns) í taugakerfinu ráði helst persónuleikasköpuninni. Það fer þannig eftir því hvað er mest ráðandi. Fróðlegt & pínu gaman að þessu öllu saman.

Tölvan í fokki enn á ný & búið að skipta um harða diskinn hundrað sinnum. Fer að vinna á morgun og á laugardagskv. þannig að helgin fer fyrir lítið:)

Gleðilegt kvöld & sæta drauma:)

Hvaðerþetteiginlega...

2006-03-10T23:14:00.000Z

Sælan dag & gleðilegan hag.

Enn einn einum of súr hugsanadagur að kveldi kominn. Hef svo oft spáð í hvaða lífeðlisfræðilega orsök það sé sem veldur mismuninum á kynjunum sem slíkum; afhverju eðlismunur kynjanna er svona mikill á sumum sviðum... Datt svo um daginn inná alveg ótrúlega skemmtilega & fræðandi grein í lifandi vísindum varðandi einhverja svaka nýja vísindarannsókn sem sannaði það að muninn væri að finna í heilanum... hélt reyndar samt að það væri svosem alveg gefið með staðsetninguna, hvar ætti þetta annars að vera? Jú gæti kannski verið að finna öðrum líffærum, en það er semt ekki rökrétt að það gæti verið næg ástæða fyrir persónusköpun manna, þetta hlýtur auðvitað allt að vera tengt heilastöðinni. En nóg um það; fannst bara best af öllu að sjá að konur eru ætlaðar fyrir 7000 orð að meðaltali á dag, en karlar einungis 2000. Mér finnst það alveg magnað, þar sem ég sjálf hef alveg verið staðin að óþarfa, gagnslausu tuði með álíka tilgangslausum pælingum... Fínt að hafa eitthvað til að skýla sér á bakvið – svona er þetta bara;) En ætli það sé ekki hægt að fara á námskeið; stundum fæ ég nefninlega alveg nóg af því að vera með þessi djös. kvenhormón - get sko alveg verið suddalega mikið pain in the ass, vægast sagt leiðinleg. Takk fyrir það.

En annars er allt bara svipað, stefnan tekin á sveitina á morgun í heimsókn til móður góðrar. Bið þá að heilsa í bili.

Svaka huggó...

2006-03-06T12:47:00.000Z

Halló halló - ekkert undravert búið að gerast, en samt skemmtilegra að láta vita af sér. Var í Borgarfjarðasveitinni í hrikalega rómantískum litlum bústað um helgina. Haukur sykurpúði ákvað á síðustu stundu að leigja bara bústað handa okkur til að forðast amstur borgarinnar. Keyptum mat fyrir milljarð, fengum flakkarann hennar Ingu lánaðan (takk fyrir það elskan) sem er stútfullur af allskonar myndum og þáttum, auk þess sem folinn druslaði plasmasjónvarpinu með og leigði 5 videomyndir. Miðað við "heppnina" sem á það til að elta mann, var ég reyndar nánast viss um að við myndum villast einhvers staðar í myrkrinu með ekkert símasamband og tóman bensíntank einhvers staðar í grennd við Trékyllisvík, en svo fór ekki. Þetta var ferlega næs, slökkt á símum, ekkert internet, engin umferð og engir nágrannar. Svo var bara sofið frameftir, grillað á gamaldags kolagrilli og slakað á. Mér er ennþá illt í maganum - borða ekki einusinni svona mikið á jólunum. En þetta er svona sem maður er heldur ekkert alltaf að leyfa sér. Annars bara ferlega huggulegt út í eitt, maður er alveg endurnærður og úthvíldur, tilbúinn í að fara að sparka í rassgatið á sjálfum sér.

Nokkrar af okkur æskuvinkonunum ákváðum líka að fara að halda úti bloggsíðu svo við missum nú ekki alveg sambandið. Það er eins og ég búi sko í Úrúgvæ, hitti þær svo sjaldan - sniðugt að geta í það minnsta fylgst með gangi mála í gegnum netið:) (Tengillinn er kominn hingað inn)

Gaman að þessu á fallegum rigningardegi; ætlað farí ljós og reynað losna við mygluna.

Knúsíknús og sólskinskveðja.

Takk Lára mín - þetter fallegt.

2006-03-06T12:35:00.000Z

Hefurðu einhvern tímann...

(x) hlegið svo mikið að það láku tár og þú gast ekki staðið í lappirnar...?
(x) hoppað á trampolíni...?
(x) boðar í nefið og étið horið...?
(x) kysst einhvern á rassinn...?
(x) verið elskuð/aður í alvörunni...? (eða vona það allavegana)
( ) fætt barn...?
( ) grátið í bíó...?
(x) gert eitthvað ólöglegt...?

5 lönd sem þig langar að fara til...

1. Egyptaland
2. Brasilía
3. Kúba
4. Grikkland
5. Mexíkó (og svo framvegis; langar að fara útum allt)

Einhvern tímann ætla ég að...

Vinna við að sópa ... nei ætli það nokkuð.

Fara í siglingu í Karabíska hafinu... já til í það.

Hitta einhvern frægan... neinei, eru þeir e-ð betri en aðrir?

Eignast (annað) barn... jájá, vonum allavegana að genin fái að njóta sín.

Kaupa þér bleika skó... nei það held ég barasta ekki.

Gifta þig... neinei held ég komist af án þess.

4 manneskjur sem þú lítur upp til...

1. Mammsa mín, hún er svo mikill nagli...
2. Móðuramma, hún er yndisleg manneskja...
3. hvers sem er heiðarlegur...
4. hvers sem er sjálfum sér samkvæmur...

Hefur einhver einhvern tímann....

(x) gefið þér blóm...?
( ) lamið þig...?
(x) sagst elska þig af öllu hjarta...?
(x) keypt handa þér ís...?
(x) svikið þig...?
(x) glatt þig svo að þú gleymir því aldrei...?
(x) bakað handa þér köku...?
(x) viljað gefa þér dóp...?
( ) stolið símaskránni þinni...?

7 uppáhalds flíkurnar þínar...

1.
2.
3.
4.
5.
6.
7. þessi listi er ekki tæmandi, get ekki sagt neitt svona; það fer alveg eftir stað og stund - en það sem er svart og klassískt er mest notað...

Ég ætla aldrei að...

( ) fara í bað með einhverjum öðrum...
(x) sofa fram að hádegi 8 daga í röð...
(x) lemja einhvern... (annars er maður svo skapbráður/sjáum til hvað verður)
( ) dansa til að gleyma...
( ) kaupa mér klámmynd...
( ) kunna að reikna út byggingavísitölu...
(x) bera mig á almannafæri
( ) syngja amazing grace

3 manneskjur sem þú skorar á að gera þetta líka stórskemmtilega sjálfspróf...

1. Inga
2. Dagný
3. Kiddi Bjarna

...jájá alltaf gaman að lífga uppá tilveruna með e-u svona gagnlegu dóti. Ekki eins og maður hafi ekki nóg að gera við aðra hluti... hmm.

Halló hunangspúðar...

2006-03-02T08:43:00.000Z

Já, það er nú heldur betur alltaf lítið að frétta af manni eitthvað undanfarið, maður er orðinn svo einum of heimakær að það er farið að verða hálf vandræðalegt. Reyndar hef ég afsökun núna út af undanförnum hrakningum, en þetta hreinlega verður að farað breytast sem fyrst. Annars er veðrið orðið alveg svaka sætt og mig virkilega farið að langa í útilegu; djöfull er ógeðslega langt síðan maður hefur tekið svona ekta útilegufíling. Hef ekki farið á þjóðhátíð síðan í hörmungarveðrinu hérna í den, en var annars alveg húkkt á því og hef heldur ekki farið í þórsmörk eða eitt né neitt... Mig langar langar langar - víúúúú.

Magnaður mánudagur...

2006-02-27T15:24:00.000Z

Babúbabú tralalalalalalala - þetter svona bara stundum. Sit hér í eymdinni með kvíðahnút í maga og sjálfsásakanir sökum langvarandi skipulagsskorts. Maður er alltaf svo skarpur eftir á, og líka kannski pínu svona duglegur í því að vera aðeins á eftir áætlun í daglega lífinu; það er eitthvað sem ég hef fengið í allsherjar vöggugjöf: "Hrund skal alltaf vera á seinasta snúningi með nánast allt". Próf á morgun sem ég er langt í frá að vera nógu undirbúin undir og samt grandskoða ég fasteignablaðið í frumeindir í staðinn fyrir að lesa:( Annars er allt svona ágætt bara, fór ekki á Timo eins og ætlað var fyrir nokkru og fór snemma í bólið bara á föstudagskvöldið, sem er bara alveg hreint ljómandi afþví stemningin var víst ekki nærri eins góð og síðast - heppin. Vakti reyndar aðeins of lengi á laugardag við Tarotlestur og annað dundur. Ég er nefninlega algjör snillingur í að láta tímann líða alltof hratt við að gera nánast ekki neitt.

Anyways, vildi bara henda út smá kveðju í tilefni fallegs sólskinsdags; knús í risakrús og fullt af gleðióskum:)

Verkurinn greinilega í hálsinum...

2006-02-22T15:01:00.000Z

Djöfull er ég ánægð með það hvað aðalskvísan rústaði þessu öllu saman í euroinu - það er bara enginn meiri tútta en þessi elska í tryllta gallanum sínum og með æðislega attitudið!! Algjör snillingur þessi elska.

Ég sjálf reyndar búin að liggja í andarslitrunum með hálsbólguaflensuna síðan á þriðjudagskvöld síðustu viku og er orðin frekar mikið pirruð á þessu systemi. Læknirinn sem ég fór til á fimmtudaginn sagði "þetta jafnar sig bara" en þá var ég orðin illskiljanleg og frekar ógeðfelld. Var í viðbjóðnum alla helgina og talaði eins og illa málhölt manneskja, þannig að á mánudagsmorgun var mér alveg gjörsamlega nóg boðið, fór aftur til læknisins sem ákvað þá að senda mig beint uppá Landspítala afþví það þurfti að skera í fokkings hálsinn til þess að losa mig við þetta. Hrund happabarn gat auðvitað ekki fengið venjulega hálsbólgu einsog annað fólk, er búin að lifa á fljótandi fæðu í viku þarf að vera með gat á hálsinum þar til helvítið ákveður að vera orðinn góður... Þar af leiðandi búin að vera meira og minna verkjalyfjuð pía og á bólgueyðandi; búin að missa ALLTOF mikið úr skólanum og orðin ógeðslega súr og pirruð á þessu öllu saman. Stundum er bömmer að eiga ekki bara almennilega haglabyssu svo maður gæti lokið þessu af;)

Annars er bara allt eins og blómstrið eina, lífið er alveg hreint ljómandi á alla vegu fyrir utan þessa smáörðugleika. Skrifa kannski bara meira þegar gleðin nær völdum;

Risaknús*

Svona héðan og þaðan...

2006-02-15T14:53:00.000Z

Ekki mikið að gerast, nema bara alltof mikið að gera þannig að ég sendi bara smá hamingju í tilefni gærdagsins og vona að allir séu að njóta þess að vera til!!
En hérna Inga litla ljós... hér hefurðu áskorunina miklu sem mun án efa verða til mikils gagns á komandi tímum.

4 staðir sem ég hef búið á...
Úffalabúff - hef sko átt heima á nokkrum stöðum, en síðustu fjórir eru Vatnsstígurinn, Fishersundið, Vesturbergið & Miklabrautin þar sem ég kúldrast enn.

4 staðir sem ég hef unnið á...
Gym80, Veiðihúsið Þverá/Kjarrá, Orkuveita Reykjavíkur, Icelandair.

4 sjónvarpsþættir sem ég fíla...
Boston Legal, Stelpurnar, Desperate Housewifes,

4 staðir sem ég hef farið til erlendis ...
Portúgal, BNA, Ítalía, England.

4 síður sem ég skoða daglega...
Mbl.is, hi.is, ýmis bloggsíður, Google.com.

4 matartegundir sem ég held uppá...
Túnfisksteik, Humar, flestallt salat og allskyns ávextir.

4 geisladiskar sem ég get ekki verið án...
Jiminn, það fer eftir skapi hverju sinni; ekkert neitt e-ð eitt sem ég myndi deyja fyrir.

4 bloggarar sem ég skora á...
að skora ekkert hjá þeim sem getur ekki skorað:)

Gaman að þessu, nú er ég vonandi orðin alveg ljómandi fær um að taka þátt í daglega lífinu aftur:)

Maður gengur ekki á öllum...

2006-02-13T21:42:00.000Z

Varð nottla bara að koma þessu að síðan á e-u fylleríi í fyrra... Það er ekki alveg í lagi með mann - en djöfull var samt suddalega gaman þarna;)

09 apríl 2005
Build me up Buttercup
Þar sem erfitt er að finna meira sjarmerandi píur, þá tókst okkur samt sem áður að sprengja túttuskalann með frammistöðunni í singstar... að ekki sé talað um taktana á dansgólfinu, ekki langt í að þær svörtu þurfi að fara að fara að lúta lægra haldi á afturendatöktunum! Okkur hafði nú samt dreymt um að bruna á Súgandafjörð á grásleppuveiðar núna um helgina, en urðum að sleppa því vegna golfmótsins í Svíþjóð. Það gengur vonandi betur næst. Það er ekki búið að ganga nógu vel í því að beygja og þegja núna um helgina, þannig að við þurfum líklegast að taka að okkur eitt skip í slipp af þeim sökum...

Heidi fékk skemmtilegt boð í þáttinn "The Woman who has been on her way for ages" og er meðal þriggja efstu - JEIIIII en frábært; úrslitin verða síðan kunngjörð í nóvemberlok og þá verða bolirnir líka vonandi orðnir klárir svo við getum hvatt hana til dáða;)

Þá dettur mér í hug góð staka;

Lambið mitt litla, lambið lambið litla.

Heiða gleiða ekki kann að seiða

en þó betur að meiða

án þess þó að vera bleyða.

Hvað er samt með frunsufeitu brunsuá ekki aðra klunsu!!

Annars erum við bara búnar að vera að fitla við okkur og það verður líklegast þannig þar til annað kemur í ljós - samt er skvísan e-ð búin að vera að vera vænglaus vegna eggjaskortsins, þar sem það er alveg á við eina hönd... Og hei - ekki má gleyma því að það er búið að opna þjónustu sem sérhæfir sig í niðurhellingu á Dökkum egils úr dós - alveg hreint ókeypis og kemur algjörlega í staðinn fyrir margt annað sem hægt er að panta í annars svipuðum tilgangi, loksins.Þangað til næst;betri er karta í partýi en partý með körtu*
posted by Með viljann að vopni at 10:45 PM

Timo Maas...

2006-02-09T09:54:00.000Z

Verð nú eiginlega bara að koma því á framfæri að fyrir svona 5 árum þá kom Timo Maas hingað að spila á Gauknum - það var án efa eitt skemmtilegasta svona dj kvöld sem ég hef upplifað; djöfull var það magnað frá upphafi til enda, ég og Dísa vinkona höfum allavegana sjaldan skemmt okkur eins vel og þá!! Var að heyra að hann væri að koma aftur núna 24. febrúar og það fer þá alveg heldur betur með planið hjá mér sem ætlaði að vera svo róleg & góð um óáveðinn tíma - alltaf kemur eitthvað sem þarf að koma og raska rónni, eða er maður ekki annars skyldugur til að fara þennan dag... kannski væri bara gáfulegra að leyfa hinu kvöldinu að lifa í minningunni afþví það verður erfitt að toppa það... Maður spyr sig?

Getur maður hugsað of mikið...

2006-02-05T16:14:00.000Z

Stundum stend ég mig að því að hugsa þangað til ég er dottin í það að geta hreinlega ekki gert greinarmun á því hvort ég er stödd í ímyndun eða veruleika - og það er ekki gott, þar sem ég er hrædd um að maður geti alveg brætt sig aðeins; hmmmm...

Átti afar rólega og fremur einhæfa helgi, svaf að venju frekar mikið og afrekaði það að fara hvorki á æfingu á laugardaginn eða sunnudaginn. Horfði samt á Júró útaf Silvíu Nótt og hún brilleraði auðvitað eins og henni einni er lagið, killersexy alveg í búningnum og með magnaðan texta. Þessi stelpa er einfaldlega snilld. Horfði líka á Stelpurnar, og það er önnur snilldin - þessar konur ættu að fá einhver svakamegaverðlaun fyrir að vera svona fyndnar.

Er að fara á risaárshátíð um næstu helgi, veit ekkert í hverju ég á að fara - svaka súrt að eiga ekki bara þotu til að geta skutlast á til útlanda til að kaupa e-ð smart til að vera í... ég er nefninlega ekki beint þessi galakjólatýpa og er í hálfgerðum vandræðum með þetta. Þar fyrir utan er maður svona í meira lagi félagsfælinn og er ekkert allt of mikið dugleg í því að sitja við langborð með fullt af fólki sem maður þekkir mismikið og ræða um hluti sem hafa ekki fangað athygli manns hingað til. En sá lærir sem lifir - og þar af leiðandi verður maður að lifa;)

Annars er ekki margt sem hefur drifið á daga mína undanfarið; náði að klemma mig á putta í Þjóðarbókhlöðunni um daginn, dælda húslykilinn minn, detta(eins og svo oft áður) á almannafæri og svo er stelpan, að ég held bara loksins búin að fá að finna hvað það er að vera ástfangin (OK.já voða væmin), sem er eftir allt saman eiginlega bara ekki svo slæmt;) - betra seint en aldrei segir manneskjan sem hefur hingað til alltaf verið hálfgerður kynleysisvitleysingur... (má segja það?)

Að endingu:

Í dag.
Dagurinn í dag

er dagurinn þinn.

Þú getur gert við hann

hvað sem þú vilt...

Gærdaginn áttir þú.

Honum getur þú ekki breytt.

Um morgundaginn veist þú ekki neitt...

En daginn í dag átt þú.

Gefðu honum allt sem þú megnar

Svo einhver finni í kvöld

að það er gott að þú ert til.

(A rosenbladt. )

Risaknús frá mér til þín!

Mússímússí sætan dag...

2006-01-24T15:32:00.000Z

Halló englaljós... Þá er maður kominn nokkuð sterkur inn eftir svakamega huggulega og kósý helgi í sveitinni, sem er mjög gott:) Sé ekkert eftir því að hafa farið útúr bænum, vorum föstudagsnóttina í húsinu hjá pabba, sem var ekki heima & svo var einn svakasætur púðursykurspúði sem ákvað að bjóða mér á Hótel Geysi í mat og hótelgistingu á laugardagskvöldið - knúsíknús; ekkert smá gaman að vera ég þessa helgina!!

Skólinn byrjaður á fullu og nóg að gera í því, er að vinna í sölu á íbúðinni og langar rosa mikið að fara í leikhús; mér finnst nefninlega alveg ótrúlega skemmtilegt að horfa á skemmtileg leikrit... Manni langar alltaf að gera allt annað en það sem maður á í rauninni að vera að gera, hvað er það?

Smá svona kærleiksmolar í tilefni dagsins;

Kærleikur er, hvert góðverk sem þú vinnur.
Kærleikur, er hvert bros sem þú gefur.
Kærleikur, er að faðma þann sem grætur.
Kærleikur, er að hugga þann sem syrgir.
Kærleikur, er að gefa þeim sem þarfnast.
Kærleikur, er umhyggja fyrir öllu sem lifir.
Kærleikur, er að biðja fyrir öllum, góðum sem slæmum.
Kærleikur, er að lifa sáttur við sjálfan sig og aðra.
Kærleikur, er að dæma ekki.
Kærleikur, er ljósið sem býr í hjarta þínu.

Kærleikurinn er langlyndur, hann er góðviljaður.

Kærleikurinn öfundar ekki.

Kærleikurinn er ekki raupsamur, hreykir sér ekki upp.

Kærleikurinn hegðar sér ekki ósæmilega, leitar ekki síns eigin, hann reiðist ekki, er ekki langrækinn.

Hann gleðst ekki yfir óréttvísinni, en samgleðst sannleikanum.

Kærleikurinn fellur aldrei úr gildi.

Megi dagurinn í dag verða farsæll og gleðilegur, sem og allir dagar.

Risaknús*

Svona meira til gamans en gagns...

2006-01-19T19:10:00.000Z

Áður en ég dey ætla ég að: ...flytja til margra landa, skoða 7 undur veraldar, afla mér viðbjóðslega mikillar þekkingar, líta til baka með stolti, vinna sjálfboðavinnu í vanþróuðu löndunum, láta gott af mér leiða, fara á þing, verða betri í dag en í gær, nýta alla mína upplifun til góða, gera allt það sem mig langar og hef tækifæri til.

Ég get: ...gert allt sem viljinn leyfir, lært meira, hagað mér einsog fífl, eytt ótrúlega miklum tíma í ekki neitt, verið þrjósk, átt mína slæmu daga, verið pirrandi, tapað mér, skemmt mér ótrúlega vel...

Ég get ekki: ...sungið, logið, farið í almenningssundlaugar, borðað orma, verið vond við minnimáttar, sætt mig við ýmsa hluti, breytt orðnum hlut...

Hitt kynið hrífur mig með: ...fallegum augum, góðri sál, því að vera sá sem hann er, því að leyfa mér að vera ég sjálf og njóta þess...

Ég dái og dýrka: ...Haukinn minn & allt það sem gefur mér ástæðu til að verða betri manneskja...

Ég segi oft: ...látt´ekkisvona, come on, pirrandi, halló, æææææææææææææiiii, gaman, komum, viltu byrja með mér?, hvar er verkurinn, það er svo gaman að vera ég...

Núna sé ég: ...fullt af allskonar dóti og drasli sem væri tímasóun að telja upp.

Hvað er annars að frétta?

Alvara lífsins hafin á ný...

2006-01-17T13:07:00.000Z

Jæja, þá er fyrsti skóladagurinn á enda og var hann frekar stuttur. Ég er bara alveg drullufegin að vera loksins byrjuð aftur. Maður er búinn að vera alltof latur og góður við sjálfan sig undanfarið. Fór á bretti í gær með Ingu í stormi og hríð, en samt svaka gaman - dinglaði mér nú bara í barnabrekkunni; en það var bara afþví það var lokað í stólnum! Maður hefur ekkert smá gott af því að fara svona aðeins út í náttúruna og reyna aðeins á sig, datt einmitt svaka skemmtilega í fyrstu ferðinni í lyftunni og klemmdi e-a taug eða marðist í það minnsta vel á afturendanum; maður er hvortsemer alltaf marinn á honum;)

Ætla að fara í afslöppun í sveitina um helgina og er sem sé þ.a.l. ekki að fara á árslistakvöld PZ sem verður 21. jan. Ekki það að ég hafi neitt verið búin að plana það, sá auglýsinguna nú bara áðan - en man samt að ég fór í fyrra og þá var sko alveg svaka gaman, fullt af góðri tónlist og eðalskemmtun... Það bíður bara betri tíma, enda var planið að standa sig á nýja árinu og ekki eyða allri vikunni í þreytu eftir ævintýri helganna, í það minnsta ekki hverrar einustu.

En anyways - mússímússí og gleðilegan dag***

Gleðilegt nýtt upphaf...

2006-01-09T17:58:00.000Z

Hello angelpies... er þá loksins búin að heimta blessaða tölvuna úr helju once again og búin að tapa öllum myndum, skólanum og öllu því sem ég hef sett í hana síðasta 1 1/2 árið; jeeeeeiiii. Ekki það að það þýði e-ð að væla yfir því, verð bara að hafa vaðið fyrir neðan mig næst! En annars, styrstu jól sögunnar bara búin - tók hreinlega ekki einu sinni eftir því að þau hafi byrjað, búin að vera dugleg að sofa og hafa það gott. Lítið djamm, nema þarna dagnn fyrir gamlárs - annars bara ferlega slöpp í þeim bransa.

Vildi bara láta vita að konan væri ekki alveg gjörsamlega vonlaus; þó það sé alveg til staðar þegar þanng stendur á. Gef mér tíma í e-ð skemmtó sem fyrst.

Kossaknús***

Jibbí kajei...

2005-12-20T15:09:00.000Z

Það var mikið - síðasta prófið í bili afstaðið, en ekki þar með sagt að maður sé neitt að rifna úr stolti. Ætla sko að byrja að læra á morgun fyrir næstu önn svo ég lendi ekki í sömu hakkavélinni og undanfarna daga.... oj sko - ekkert smá vonlaus manneskja!! En það þýðir ekki að gráta það sem orðið er - maður verður bara að fara með æðruleysisbænina og vona það besta, strengja svo áramótaheit um að verða skipulagðasta og agaðasta manneskjan í bransanum á komandi misseri!

Ætlað farað dettíða á Vitabarnum; síjú*

Allt að koma...

2005-12-14T20:00:00.000Z

Ok. þá er bara eitt próf eftir- þriðjudagurinn og svo bara búið í bili:) jejejejejej; love it. Djöfull skal ég þá að gera eitthvað alveg ultramegaskemmtilegt!! Byrja svo ekki aftur í skólanum fyrr en 17. jan, sem mér finnst alveg hreint þrælmgnaður andskoti...

Sá þetta á bloggi og get ekki svikið lit;
Commentaðu; skrifaðu nafnið þitt & þá á ég að gera eftirfarandi;

Ég segi þér eitthvað handahófskennt um þig.
Ég segi þér hvaða lag/mynd minnir mig á þig.
Ég segi þér hvaða bragð minnir mig á þig.
Ég segi þér eitthvað sem meikar bara sens fyrir mig og þig.
Ég segi þér fyrstu ljósu minninguna mína af þér.
Ég segi þér á hvaða dýr þú minnir mig á.
Ég spyr þig að einhverju sem ég hef lengi velt fyrir mér um þig.
Ef þú lest þetta þá verðurðu að setja þetta á bloggið þitt...

Það er alveg magnað hvað fólki dettur í hug að gera varðandi e-ð svona, en samt pínu sniðugt á svona á rigningardögum;)

Gerðu eina manneskju hamingjusama dag hvern, ef ekki aðra, þá sjálfan þig.

2005-12-13T03:14:00.000Z

Þar sem ég á það alveg til að hugsa óendanlega mikið um hina ólíkustu hluti sem detta einhverra hluta vegna inn hjá mér & er einnig oft á tíðum að fá e-ð svona umhugsunarvert sent í maili þá fannst mér ég verða að koma hluta úr þessari grein að og minna bæði sjálfa mig og aðra á mikilvægi þess sem okkur finnst stundum svo sjálfsagt en vill oft gleymast...

"Ég veit það ekki, það er vitaskuld undir hverjum og einum komið, hvað honum finnst lífsnautn, það sem mér finnst skemmtilegt finnst öðrum leiðinlegt en eftir því sem árin færast yfir, er mér í fyrsta lagi ljóst, hvað okkur er lítill tími skammtaður.

Í öðru lagi að muna eftir því að dagurinn í dag er dagurinn sem þú lifir, augnablikið í lífi þínu sem aldrei kemur aftur. Verðmætin liggja ekki í stöðutáknum, yfirlæti, veraldlegum auðæfum eða langri ferilskrá. Lífið gengur ekki út á að gera, heldur að vera. Vera til, gleðjast, njóta, vera ekki neitt nema þessi eini einstaklingur, barn náttúrunnar, barnið sem í þér býr og lifir og hefur hlotnast sú gæfa að fæðast inn í þennan heim. Í örskamma stund. Þú kemur og þú ferð. Og til hvers þá að spilla þessari stuttu dvöl með því að ergja sig út í aðra, fyllast reiði eða hatri eða belgja sig út af vandlætingu vegna þess að manni finnst að einhver hefði átt að gera eitthvað öðru vísi en þú vildir.

Svo ekki sé nú talað um hégómann í lífi okkar sem ekki kemur að miklum notum þegar þú ert lagstur láréttur í kirkjugarðinn. Þar liggur allt það fólk, sem gekk þessa sömu götu og við, gerði samskonar mistök, hafði samskonar væntingar og þeir sem á undan komu og á eftir fóru og áttaði sig ekki á því, frekar en við, að ævin er of stutt, til að gera annað og merkilegra en það eitt að vera til."

Stundum vill það gleymast að hamingjan er ekki fólgin í því að gera það sem mann langar til, heldur að langa til þess sem maður gerir.

Nenniekkaðlærakveðjur af Miklubrautinni:)

Afhverju svona óþarfa leiðindi...

2005-12-07T13:46:00.000Z

Á að vera að læra... er auðvitað að hugsa um e-ð annað as usual.

Það pirrar mig svolítið mikið þegar fólk sem er að commenta eða blogga á svona síðum, er sífellt í e-u böggi, áreiti, níðandi náungann og skíta á allt sem samræmist ekki þeirra eigin hugsun. Mér finnst svo leiðinlegt að hugsa til þess hversu mikið af fólki þarf að særast á þennan hátt; það er ekki eins og það gangi ekki nóg á í lífinu án drullukasts á vefsíðum...

Er þetta bara mannleg hugsun og framkoma? Það er svo miklu fallegra og eðlilegra að hugsa og framkvæma með það í huga að "Koma fram við aðra eins og maður vilji að aðrir komi fram við sig" & "Ef þú berð ekki virðingu fyrir þér sjálfum, þá getur þú ekki ætlast til að aðrir geri það. Ef þú berð virðingu fyrir öðrum þá bera aðrir virðingu fyrir þér." - það getur ekki verið að fólk njóti þess að niðra aðrar manneskjur án nokkurs ásetnings eða persónulegra samskiptaörðugleika... ég bara neita að samþykkja það að við gerum okkur að endingu ekki grein fyrir afleiðingum gjörða okkar.

Æ, má samt ekki vera að þessu - verð að leeeeeesa; klára þetta seinna.
En samt gaman að skjót því inn að spádómskakan mín frá Ningsinu um daginn sagði; "Sing and rejoice, fortune is smiling on you" - þannig að ég ætla bara að fara að þeim ráðum.

Gleðilegan dag!!!

Hamingjan er hugarástand...

2005-12-06T16:48:00.000Z

People are happy when they are "in control", that is, when they feel competent to satisfy their needs and reach their goals...

Ég er ekki frá því að það sé bara nokkuð til í þessu - nema hvað að þá þarf ég að fara að gera og græja ýmislegt varðandi mig. Held að það sé best að byrja bara eins og alkinn og taka einn dag í einu, setja sér raunhæf markmið og framfylgja þeim. Ég stend nefninlega fyrir andstæðuna, ætla mér alltaf miklu meira en ég ræð við, geri mér endalausar væntingar til sjálfrar mín og alls í kring um mig og verð svo fyrir ultra miklum vonbrigðum þegar ekkert fer einsog ég hafði vonað. Hér með er ég semsagt orðin opinberaður alki. Einn dagur í einu, engar óþarfa væntingar eða ímyndunarveiki og geri það besta úr því sem verður á vegi mínum hverju sinni. Jeiiiiiiii, gaman.
Á svo líklegast eftir að enda í einangrun á e-u hæli eftir nokkrar misheppnaðar sjálfsmorðstilraunir, búin reita af mér hárið, skera af mér e-a útlimi og farin í afneitun... Maður spyr sig og veit akkúrat ekki neitt:)

Verð samt að farað haska mér að meika það, tíminn bíður víst ekki eftir manni og það er sko alveg ábyggilegt að ef ég læri ekki almennilega fyrir þetta alþjóðastjórnmálapróf sem er á laugardaginn, er voðinn vís og enginn séns á að geta gert garðinn frægan, keypt mér vélsleða, snekkju og vínekru, stofnað sjónvarpsstöð og í kjölfarið stutt mikilvæg málefni!!

Ég er ekki búin að fara á almennilegt djamm niðrí bæ í hundrað ár og finnst ég frekar súr og einangruð pía... en eins og undanfarið í kringum hátíðarnar hefur maður svosem ekkert verið að spara sig í þeim efnum; um leið og prófin eru búin þá gerir stelpan e-ð í málunum, þetta er hreinlega til skammar...

Varð samt bara svona að láta vita að ég er ekki látin, samt sem áður vant við látin og þ.a.l. látin vera, í bili að minnsta kosti;)

Föstudagur enn á ný og ágætis blanda...

2005-12-02T17:08:00.000Z

Shit, hvað þetta líður nú alltaf hratt - og örugglega ennþá hraðar afþví maður er nett stressaður og óskipulagður í meira lagi, á eftir að frumlesa rosa mikið og þá fæ ég bara svefnsýki og "hanguppísófaveiki". Fékk lítið hvolpabarn í gær, pínuponsulitla monsu sem á án efa eftir að verða svolítið ofdekruð... farin að tala ógeðslega væmið og eins og ég sé frekar sein- eða misþroska, ætli það sé kannski bara málið?

Væri alveg til í að vera búin í prófum og dingla mér bara fram að jólum, gera e-ð skemmtilegt, fara í heimsóknir til allra sem halda að maður sé látinn, skoða í búðir, finna áhugamál blablabla og líka fara í góða sumarbústaðardjammferð; ALLTOF langt síðan síðast og vel það!!

Langar líka svoooooooooooooooooooooooo mikið út yfir jól og áramót, það væri perfect að geta bara farið og verið í slökun í sólinni e-s staðar í rólegheitunum.

Anyways - nóg af dagdraumum, maður á að vera að læra sér á svona dögum; en Hrund er er pínu svona týpa sem á það til að bíða með allt sem er mikilvægt þangað til hún er komin með slæmar blóðnasir og garnirnar uppí háls af stressi, ég tók t.d svona afar tilgangsmikið próf http://www.blogthings.com/genderbrainquiz/ bara til að gera ekkert og ég fékk eftirfarandi niðurstöðu:
Your Brain is 53.33% Female, 46.67% Male
Your brain is a healthy mix of male and female

You are both sensitive and savvy

Rational and reasonable, you tend to keep level headed

But you also tend to wear your heart on your sleeve

Gaman að átta sig á því;) - Fallega helgi:)

Góður dagur í dag...

2005-11-29T09:19:00.000Z

Þar sem nágrannahörmungarnar ætla engan enda að taka - þá er ég bara að spá í að fara að stöðva hreinlega þessar framkvæmdir, redda mér bara góðum lögfræðingi og klára dæmið bara. Meika bara ekki að vera í þessu helvítis borunar og sögunarpartýi allan djöfulsins daginn á meðan það er vælt yfir öllu sem fer fram í minni eigin íbúð. Ekki nema maður stofni bara samtök gegn sjálfhverfum nágrönnum... Fannst þetta alveg fyndið fyrst, en svo er þetta bara hálf ófyndið núna og rúmlega það. Vona að helvítið hrynji til grunna á fallegum degi:)

En af því að ég fékk svo sætt mail um daginn varðandi lífsviðhorf og ég hef það nú alveg vel í mér að vera pínupons neikvæð á stundum, þá finnst mér allt svona svo upplífgandi og finnst að maður þurfi að tileinka sér svona hugsun til lífsins svo hægt sé að fara brosandi í gegnum lífið:)

"Á hverjum morgni þá vakna ég og segi við sjálfan mig, ég á 2 möguleika í dag, ég get valið að vera í fúlu skapi, og ég get valið að vera í góðu skapi, ég vel alltaf að vera í góðu skapi.

Alltaf þegar eitthvað slæmt gerist þá get ég valið að vera annaðhvort fórnarlamb, eða ég get lært af þessu, ég vel alltaf að læra af mistökunum.

Alltaf þegar einhver kvartar við mig þá get ég valið að sætta mig við það eða að vera jákvæður og horft á kvörtunina frá jákvæðu hliðinni, ég vel alltaf að horfa á kvörtunina frá jákvæðu hliðinni.

...á hverjum degi þá getur maður valið að njóta lífsins, eða að verið neikvæður. Það eina sem er án efa þitt, og enginn getur tekið frá þér er þitt viðhorf og þín afstaða til lífsins. Og ef maður passar upp á þetta þá mun allt í lífinu verða auðveldara."

Það er bara alltof gaman að vera til og maður á frekar að sjá eftir því sem maður gerði ekki fremur en því sem maður gerði:)

Risaknúsar og geðveiluhugsanir frá geðhvarfahælinu á miklubrautinni*

Gleðilegan föstudag...

2005-11-25T09:36:00.000Z

Það er bara eitthvað við lok vikunnar sem gerir mann svo glaðan... reyndar eru nú bara flest allir dagar alveg hreint ljómandi hamingjuríkir; nema kannski þriðjudagar, þeir eru pínkuponsu súrir stundum einhverra hluta vegna. Ég verð samt að fara að finna mér eitthvað sniðugt áhugamál, er búin að hugsa meira og meira um þetta núna undanfarið; hvað það væri æði að geta bara vaknað á morgnana með spenning í maganum útaf því maður væri að fara að sinna einhverju sem gæfi manni alveg helling og dræpi tímann á fjölbreyttari hátt en maður notast við sem afþreyingu núna. Afhverju drullaðist maður ekki bara til að sleppa gelgjunni og vera frekar bara alveg ógeðslega góður í dansi, karate, kick boxi eða öðru sniðugu sem gæti verið manni innan handar, það væri ferlega fínt... Hefði nú samt ekki vilja sleppa hendinni af gelgjunni svona ef maður fer að hugsa til baka, neiiiii.

Er nú samt að fara að fá mér litla hundastelpu, þannig að ég geti haft eina litla monsu til að hugsa um, jeiiiii - það er alveg nauðsynlegt - svo gott að vita af einhverju svona sykursætu sem stólar á mann:)
En anyway - sykursætan dag og ljúfa helgi:)

...

2005-11-21T18:14:00.000Z

Það er frekar magnað hvað þessir undanförnu mánuðir og í rauninni bara árið er búið að líða rosalega hratt... alltíeinu bara að koma desember - þ.a.l. prófin og síðan jólin og allt systemið sem fylgir því. Stresstími frá helvíti, allt saman - mig langar að fara til útlanda og vera þar þangað til eftir áramót. Neeeeeenn´esssssu hreinlega ekki, hef ekkert verið þekkt fyrir það að vera með tárin í augunum og gæsahúð yfir hátíðarnar. Meira svona e-ð sem er bara þarna.

Horfði á Napóleon Dýnamít í gær og það verður að viðurkennast að hún er alveg pínuponsu fyndin, mig langar að kynnast e-i svona týpu eins og honum sem maður gæti alltaf haft einhvers staðar og hringt í ef eitthvað væri að plaga mann til að koma manni í gott skap! Svona eins og með sumt fólk sem gott er að hafa þegar þannig stendur á:) En þar sem það er alltaf svo gaman og aldrei neitt leiðinlegt nema það sem maður ákveði það sjálfur, þá er bara allt ferlega krúttlegt eins og er, finnst t.d. fínt að það byrji bara að dimma kl. þrjú á daginn og sé bara dimmt lengi þó maður verði frekar latur í sér fyrir vikið. Maður á nefninlega að temja sér það að gera alltaf það besta úr hlutunum hverju sinni, annað er bara tímasóun:)

Úffff, ég er eiginlega bara alveg heiladauð eins og er - ekkert að drukkna úr hugmyndaauðgi þannig að mig langaði bara að kasta pínu kveðju og kannski það væri ekkert vitlaust að fara bara að ráðum Silvíu Nætur og smala bara öllu ljóta fólkinu saman og láta það vinna í baunaverksmiðju eða eitthvað svo það sé hægt að setja töffgenið í allt fallega fólkið á meðan:)

Persónulegir örðugleikar...

2005-11-17T11:13:00.000Z

Afhverju getur ekki bara allt verið hrikalega einfalt. Við gætum bara komist af án þess að hugsa og bara flotið áfram, einn dag í einu og öll vandamál eða annað sem plagar mann hverju sinni myndu bara leysast sjálfkrafa... Ætli þetta sé e-ð sem fylgir því að vera kelling bara, að þurfa alltaf að velta sér upp úr líðandi stund og því sem hefur verið þess valdandi, þangað til maður er kominn með magasár og hausverk, eða kannski bara alveg ógeðslega mikið ég? Ekki það að það þurfi bara allt að vera einfalt, fínt að takast á við áskoranir og hafa svolítið fyrir þessu öllu saman, heldur sumt mætti bara vera svona ein stór einfeldnisbrosrennibraut, það væri ferlega fínt. Æ, en svona er þetta bara stundum, maður er svooooo hrikalega vonlaus stundum:)

Komin helgi, á að vera að lesa en er samt í rauninni sjálf bara einhvers staðar annars staðar en hérna á þessari blessuðu bókhlöðu - þetter alltaf svona þegar maður ætlar sér eitthvað; þá virðist sem ætlunin hafi sjálfstæðan vilja... Ætlað farað drullast að læra.

Risabangsaknúsíkrús þangað til næst*

Glötuð...

2005-11-15T11:20:00.000Z

Ég er líklegast bara glötuð - fallin í nördagryfju, horfi bara á súrar myndir og sofna snemma... Gerði semsagt ekkert um helgina nema vera rotin, svaf, lærði pínu og horfði á video. Heimsótti reyndar báðar ömmur mínar, hitti pabba og mömmu og það gerði manni gott! EEEN það er fullt tungl um næstu helgi, og það boðar alltaf e-ð spes! Þá er líka síðasti séns að fara að gera nokkuð af viti afþví prófin fara að byrja og það boðar sko ekki gott (frekar en það að sjá dverg). Langar að horfa á Fóstbræður aftur...

Af gefnu tilefni, fór ég að spekúlera aðeins í sambandi við falskheit, lygar og annars konar ósóma hjá fólki; það er nokkuð sem er ógeðslega pirrandi og mér finnst að það ætti að stofna göngugeðhælisdeild sem er samanburðarhæf við SÁÁ eða eitthvað svoleiðis, sem gæti afvatnað svona lið - þetta hlýtur einfaldlega að felast í einhverju duldu veikindageni sem ekki verður læknað nema með meðferð sem stýrt er af fagfólki á sínu sviði. Verkurinn bara hlýtur að liggja einhversstaðar:)

Annars er ég bara svið í bili... Sætt kvöld*

Veit ekki alveg með vinkonuna...

2005-11-11T20:37:00.000Z

Sko - ég hef ekki lagt það mikið í vana minn að dæma ókunnugt fólk fyrir það sem það er eða hvernig það er, þó maður hafi auðvitað sterkari persónulegar skoðanir á sumu fram yfir annað... Einu hef ég verið að velta fyrir mér undanfarið og það er fólk og hegðun í gufubaði. Þar sem ég fer einstaka sinnum í Baðhúsið, þá læt ég gufuna stundum fylgja afþví það getur verið ógeðslega ljúft þegar þannig liggur við. Ég sjálf hef ekkert verið rosa mikið fyrir það að dingla mér á evuklæðunum á almannafæri, en finnst hins vegar ekkert athugavert við það þegar aðrir kjósa það. Samt er svona misþægilegt að sitja í hitanum og þokunni með ókunnuga konu á loðinni kuntunni, jafnvel e-ð að glenna sig, beint fyrir framan augun á manni. OK. ég er ekkert að stara á vinkonuna, en come on... er ekki bara hægt að skrúbba sig heima í sturtunni? Kannski er þetta bara einhver ákveðin spéhræðsla í mér, en ég veit að það er ekkert öllum sem þykir neitt hrikalega þægilegt eða rómantískt að sitja í rólegheitum í afslöppun með heimilislegheitin í fésinu. Ekki myndi maður bara fara að fikta í óæðri endanum og glenna eitthvað bara sisvona með gesti á heimilinu? ...æ, annars veit maður ekki - kannski það þyki bara móðins eins og þjóðfélagið og mannlega opnunin sem slík er orðin í dag og ég sjálf sé hreinlega bara óþarflega stíf á því:)

Snjókoma, siðspilling og kuldi...

2005-11-09T12:32:00.000Z

Mér finnst alveg lúmskt kósý að hafa svona vetrarveður, þegar það er myrkur megnið af sólarhringnum og maður þarf að fara út með húfu, trefil og vettlinga... Samt ekki þegar það er hríð eða e-ð, heldur bara þegar það er svona létt og pen snjókoma eins og er núna:) Gott að koma heim og hjúfra sig undir hlýrri sæng og horfa á e-ð skemmtó e-ða lesa góða bók. Samt er fokkings pirrandi þegar það er rigning, snjór, rigning, snjór blablabla...

Er samt aðeins búin að vera að spá í þó nokkuð margt undanfarið, t.d. spillinguna og stjórnkerfið sem er við lýði í íslensku þjóðlífi... Hvað er er eiginlega í gangi; er allt að verða vitlaust í þessum bransa bara? Að maður tali nú ekki um allt þetta klíkusystem og annað sem er í gangi á netinu, hvað er það? Og hvað er þetta með að e-ð bloggfólk geti bara komið með heilsíðufréttir af sjálfu sér, kynlífsþarfir og ástarlíf með myndir eða hugmyndir um það sem er í gangi í þeirra lífi - hvaða fólk er þetta eiginlega og hvað hefur það gert sér til frægðar?

Annars er maður bara nett hress, pínu púki kominn í stelpuna - ALLTOF langt síðan maður hefur tekið svona almennilegt vitleysingadjamm með tilheyrandi skemmtunum og broslegum atvikum!! Nú verður e-ð að fara að gerast í þessum málum - annað bara gengur ekki upp...

Á rúntinum í ellefunni...

2005-11-03T20:17:00.000Z

Þegar ég vaknaði í morgun eftir stuttan svefn við jarðgangnaborinn og sleggjuhögginn á þriðju hæðinni varð ég virkilega hamingjusöm - öskraði svo mikið að ég fékk dúndrandi höfuðverk og varð þar af leiðandi að drullast framúr, skella hurðum og fara bara á æfingu og í gufu til að losna við allt skapið þar sem ópin gerðu augljóslega ekki nóg fyrir mig... Dinglaði mér síðan, sótti tölvuna í viðgerð (í þriðja skiptið á ári) og fór í Trimform; sem er ekki frásögu færandi nema vegnaörlítils atviks sem fylgdi í kjölfarið. Þar sem ég á við krónískan ökuleyfismissi að stríða neyðist ég einstaka sinnum að heiðra almenningsamgöngurnar með nærveru minni og leyfa bílveikinni að njóta sín til hins ítrasta. Labbaði í næsta stætóskýli sem mér fannst líklegt að vísaði leiðina heim afþví þeir eiga allir að fara niður í bæ, og hitti þar fyrir afar einstakan mann sem stytti mér stundir þar til vagninn kom og tjáði mér að vagninn færi alveg að koma. Takk fyrir það. Þegar farartækið var farið að nálgast Mjóddina, grunaði mig að ég væri ekki alveg á leiðinni strax niður í bæ. En OK, strætó gengur (eftir minni bestu vitund) hvort sem er alltaf e-n hring, þannig að ég myndi bara fara "smá" hring; í Kópavoginn, framhjá Smáralindinni og hring þar og svo í Lindirnar (hálftími liðinn) og í e-ð iðnaðarhverfi... þar sem hann stoppaði og drap á bílnum. Fékk svona smá nettan roða í kinnar og ákvað að spyrjast pínu fyrir um afdrif mín;

"Hérna, er þetta bara búið hérna?"

"Já"

"Aha, en sniðugt... ég hélt að þetta færi alltaf svona hring." - alveg með kökkinn í hálsinum

"Nei, vinan - ég er hættur; en þessi fer eftir tíu mínútur" og benti á annan strætó."

- Ok ekki alveg öll von úti enn, þar sem annar maður kom fljótlega arkandi út úr e-i skemmu og labbar að bílnum, ferlega fúll á því e-ð og fannst ég ekki neitt rosa gáfuð að vera hangandi þarna, þar sem það stendur utan á hliðinni á strætónum hvert hann fer... Aumingja maðurinn var ekki fúll af ástæðulausuþar sem hann kunni ekkert á bílinn (það bætti líðanina mína til muna) afþví það voru að koma 30 nýir vagnar í umferð, sem eru sko hvorki með ABS né spólvörn! Hann liðkaðist samt aðeins þegar ég fór að hneykslast á þessum hörmungum með honum og blóta kerfinu og nýju ódýru og illa skipulögðu bílunum.

Ég get svo svarið það að þegar loks var farið af stað aftur og þarna var komið, þá gat ég ekki annað en skellt uppúr - þurfti að horfa niður og hlæja alla leiðina sem eftir var, komin með verki í magann, tár í augun og nýja sýn á lífið! Að endingu búin að sitja í ellefunni í einn og hálfan tíma og bæði búin að prufa nýju týpuna og gömlu.. þetta gerist ekki betra. Enda bíð ég alveg rígspennt eftir því að þeir byrji að ganga aftur í fyrramálið svo ég geti prufað e-a aðra leið... kannski farið í tólfuna fyrir hádegi og fjórtán eftir hádegi. Ef ég verð heppinn er aldrei að vita nema maður komist í Mosó eða jafnevl út á Nes - svo er jafnvel hægt að gera þetta að vikulegum viðburði!!

Ég sem hafði það á tilfinningunni að þessi dagur yrði ekki sem bestur, en það er sko alveg á hreinu að það er hægt að skemmta sér á hinn ótrúlegasta máta.

Sjálfspíningarhvötin styður mann og styrkir...

2005-11-01T09:26:00.000Z

Gærdagurinn einkenndist af sjálfspíningarhvöt, það er fínt að hafa svona smá þema af og til. Svaf í fyrsta lagi bara í ca. tvo tíma, þar sem ég var vakandi til fimm um morguninn við ritgerðarsmíði - tölvan er nefninlega svo agalega rómantísk í sér að bila núna í þriðja skiptið á stuttum tíma, og yfirleitt þegar e-ð mikið liggur við. Þegar verkefnið var svo komið til síns heima, fór ég á æfingu og þjösnaðist aðeins á mér fyrir letina undanfarið. Kom svo heim og langaði í popp sem örbylgjuofninn virðist hafa tekið e-ð illa upp og ákvað að af þeim sökum að brenna það í frumeindir sem litu að endingu út eins og illa brunninn heili. Afurðin kveikti samt sem áður í listamannseðlinu og ég naut þess að dunda mér í brunalyktinni í eldhúsinu, hóstandi með sviða í augum og tók mynd af poppkornsleifunum til minningar um daginn. Afar upplífgandi. Þar sem undangengin skemmtun gaf mér svo mikið og orkan var í hámarki varð maður að vaka lengur og gleðjast yfir framkvæmdum fólksins á efstu hæðinni, sem nú hafa orðið þess valdandi að sjónvarpsdagskráin er snjóug og full af óvæntum loftnetstruflana uppákomum. Pabbi og vinur hans komu einmitt í heimsókn í gær og hafa lofað mér að taka aðeins almennilega á nágrannakvenþjóðinni og flengja svo gleðin fái aðeins að streyma... held það sé bara virkilega sniðug hugmynd. Hver vill ekki fá almennilega hýðingu af og til!!

Gaman að þessu*

Pirrað gerpi...

2005-10-31T12:23:00.000Z

Það er allt búið að vera á mis frá því á laugardaginn... fattaði á síðustu stundu að ég átti að skila ritgerð og byrjaði á herlegheitunum; þá fraus tölvan og hefur ekki komist til lífs síðan, það er í þriðja skiptið og þremur skiptum of mikið. Það er gaman! Það er ískalt og rok og svo þó maður sé nú ekki nein Heidi Klum á degi hverjum, þá hef ég sjaldan verið eins ófríð; ætli þetta sé e-ð sem komi yfir mann eins og gelgjan eða e-ð svoleiðis? Mamma spurði mig einmitt að því hvort það gæti nokkuð verið að ég væri komin á einhverja annars stigs gelgju svona eftirmáli unglingsáranna; fannst ég svo önug eitthvað, stressuð og upptrekkt. En ég held að ég sé bara svona gerð, stundum hress og stundum ekki eins mikið hress. Gaman að sjá hvernig þriðja eða fjórða stigs gelgjan er ef ég er bara á öðru stigi núna:) En ef þetta er e-ð sem vekti áhuga á gerð heimildarmynd, þá er ég tilvalið efni um ófrýnileikann í sinni margbreytilegu mynd - en það er nú líka bara gaman auk þess sem það felur vissulega í sér ákveðna áskorun að taka þátt í skapmyndunum sjálfsins. Borgarstjórnarkosningar eru einmitt á næsta leyti, ég held að ég yrði ágætis borgarstjóri á gelgjunni og það liti líka vel út á plaggi...

Gleðilega hrekkjavöku...

2005-10-29T01:24:00.000Z

Skvísan komin úr rigningunni í Boston og heim í fegurðina á Íslandi. Fékk kal í tennurnar og drep í fingur og eyru í morgun þegar ég hljóp og sótti bílinn í stæðið á Leifsstöð, jebbsadeisí - blákaldur veruleikinn beint í æð og heila, en samt alveg hreint ljómandi hressandi. Var e-ð ekki alveg að geta sofnað, þannig að ég brunaði bara í Trimform, gufu og ljós og kom út úr Baðhúsinu einsog e-ð illa brennt og sprungið... Kannski ekki beint það rómantískasta, en samt sem áður alveg ferlega hressandi eftir ferðalagið, maður á það alveg til að verða hálfrotinn eftir það að vera í flugvél. Gat svo að endingu sofnað aðeins í lónni og myglufýlunni í kytrunni minni (já, girnó - gleymdi að fara með ruslið út). Æ get alveg viðurkennt að ég hefði svosem ekkert á móti því að vera bara ennþá á hótelinu og fá e-a krúttlega konu í þernubúnig til að búa um rúmið mitt, þvo handklæðin og þurrka af... en svona er þetta víst bara og skvísan neyddist til að troða sér í gúmmíhanskana, hækka í Dirty Dancing disknum, taka nokkur spor og orga e-ð falskt yfir uppvaskinu til að friða samvikuna og geðslagið... Já, það er sko búinn að vera góður dagur í dag, enda er bara svo gaman að vera ég* Ætla að druslast í rósablaðabað og fara að sofa; bangsaknús í risastórri krús þangað til næst:)

Have a nice week angels...

2005-10-20T13:26:00.000Z

I´m off to Boston - skemmtið ykkur ýkt svaka vel og hafið það sem allra best. Knúsar og koss og takk fyrir allt ef ég hrapa á leiðinni:)

Dagurinn í dag...

2005-10-18T17:47:00.000Z

...er mánaðardagurinn sem báðir afar mínir önduðust á; föður- fyrir tveimur árum og móðurafi í fyrra... mér finnst það svolítið svona sérstakt, enda er ég svakalega dramatísk og er nánast viss um að þetta beri í sér e-r skilaboð þó svo að ég geti ekki alveg komið merkingunni fyrir mig eins og er! Sæþór á líka afmæli í dag; til hamingju með það:) Annars er bara allt alveg hreint ljómandi frábært; er að spá í að kveikja óvart í húsinu mínu um miðja nótt og bjóða svo fullt af fólki að koma og grilla sykurpúða af því tilefni. Sá mér svo til mikillar undrunar einkamálaauglýsingu frá rúmlega 60 manni sem óskar eftir samvistum við unga stúlku. Líst eiginlega bara alveg agalega vel á það og hann féllst á að hitta mig í kvöld yfir glasi á Nellys, afþví þar er svo rómantískt! Gaman að því hvað lífið kemur manni sífellt á óvart*

Fékk líka Fortune cookie með Ningsinu sem sagði "You will be a great success both in the business world an society" - þannig að maður er klárlega bara alveg hreint skínandi frábær!

Eitthvað spes...

2005-10-17T14:38:00.000Z

Frekar sérstök helgi; það er örugglega e-ð við þetta fulla tungl sem veldur því að allt verður svolítið öðruvísi en ætlað væri. Hvað ætli það sé við þetta fyrirbæri sem veldur þessari umbreytingu á hegðun hjá fólki og umhverfinu öllu? Pínu skrýtið. Fór á Gaukinn að sjá Magga spila á laugardaginn, ægilega flott hjá stráknum alveg - en kannski aðeins öðruvísi umhverfi en maður er vanur hingað til:)

Jeje, fer út á fimmtudaginn og verð í viku - fínt að komast aðeins í burtu, dingla sér, versla, skoða, borða góðan mat o.s. frv.

Koss*

Mér finnst...

2005-10-14T00:21:00.000Z

...ekki gaman þegar það er leiðinlegt; en það er bara svolítið augljóst.

...líka frekar magnað hvað það er til mikið af skuggalega flottum stelpum á þessu landi - er að spá í hvort það hafi verið e-r kynbótastefna hérna sem fór fram hjá mér; alls staðar.

...líka að ég þurfi á skapgerðarbreytingu að halda, eða í það minnsta greiningu; get verið svo óeðlilega skapstór að það er pínu creepy.

...að ég hefði átt að vera uppi á öldum áður þegar korselettukjólar með víðum pilsum voru mest inn.

... að það eigi að bæta réttindi og aðbúnað eldri borgara.

...að það eigi að reisa risastórt sirkustjald í laugardalnum.

...að bílveiki sé afar þreytt og gamaldags fyrirbæri sem ætti að vera löngu búið uppræta og finna langvarandi lækningu við.

...hrikalegt þegar fólk dundar sér við að hægja sér á almenningsalernum og aðrir verða óumbeðnir þátttakendur.

...sorglegt að ég sé ekki ógeðslega góð að dansa og syngja.

...pirrandi að þurfa að pirrast á e-u sem er algjörlega ekki þess virði.

Takk fyrir og sætan dag.

Hægfara heila/taugahrörnun...

2005-10-10T14:29:00.000Z

Held ég þjáist af einhverri óþekktri stökkbreytingarveiru sem ræðst á allt systemið þegar það þarf á öllum sínum kröftum og einbeitingu að halda! Alltaf þegar ég ætla að fara að gera e-ð sem skiptir máli og er mikilvægt, þá endar það í afar mörgum tilfellum þannig að ég sofna, fer að taka til, horfa á sjónvarpið eða e-ð álíka sniðugt. Í kjölfarið verð ég síðan alveg snargeðveik og atyrði mig síðan þangað til ég er búin með alla orkuna og neyðist til að fara bara að sofa... Jess - maður er ekkert smá eðlilegur, genalega séð.

Þar sem Kári litli ljósálfur er svo mikil frekjudolla og þar að auki í lögfræði er engrar undankomu auðið í þessum eltingarleik og ég asnaðist til að lofa að frussa útúrmér öðrum fimm ófrávíkjanlegum Hrundarstaðreyndum...

1. Á fyrsta "alvöru" fylleríinu mínu fórum við að hlusta á Sólstrandargæjana og vorum búnar að safna/blanda saman nokkrum tegundum áfengis frá foreldrunum. Man síðast eftir mér í partýi heima hjá Agli nokkrum fyrir miðnætti en vaknaði svo á gólfinu í herberginu mínu með glóðarauga, gat á höfðinu og í götóttum, olíubrákuðum hvítum silkibuxum með höfuðverk fyrir alla Palestínu. Pabbi sagði mér að lögreglan hafi komið með mig heim í bóndabeygju og við ákváðum að segja mömmu ekki frá þessu þar sem hún var erlendis - sú tillaga gekk ekki eftir þar sem mamma gat lesið um atvikið þegar það kom í Dagskránni (bæjarblaðið) undir heitinu ,,Ölvuðum börnum á fermingaraldi ekið heim af lögreglu"...

2. Ég "fékk lánaðan" bíl og keyrði ungum manni til Þorlákshafnar daginn eftir sveitaball í Árnesi þegar ég var sextán ára - það komst upp þar sem ég ók næstum því á kind á leiðinni, fór útaf og festi bílinn...

3. Ég er heldur kynlaus og afar bæld manneskja, hrædd við það að verða mér til skammar í hverju því sem ég tek mér fyrir hendur...

4. Ég vil vera góð manneskja, var samt ömurlega ill og með ljótt hjarta á ákveðnu tímabili lífs míns, ég er rosaleg tilfinningavera og finnst hákarl góður...

5. Minn stærsti ótti er að detta í stiga eða e-s konar þrepum fyrir framan fullt af fólki og buxurnar detti niðrá hæla, brotna illa í andliti og missa tennur - þannig að ég standi berskjölduð og alblóðug með tennurnar á víð og dreif í kring um mig...

Nú er ég súkkulaði, karamella og komin í stikkfrí!

Er ekkert súkkulaði í þessum leik?

2005-10-10T11:59:00.000Z

Guten tag.
Nú verður maður að fara að taka sig á. Fór austur í lærdómsferð um helgina, lærði samt örugglega minna en ég svaf:/ en samt ferlega huggulegt e-ð. Samt er ég komin þónokkuð eftirá í skólanum, sumt er bara leiðinlegra en annað og þar af leiðandi stundum látið sitja aftur í skotti í ferðinni...
Svo er eitt - nú er búið að "klukka" mig nokkrum sinnum eftir að ég opinberaði mig fyrir nokkru síðan... Er ekkert svona stikkfrí í þessum bransa... Ætli maður verði bara að opna sig þangað til ekkert er spennó er eftir fyrir mann sjálfan - eða er eeinhver refsilöggjöf sem nær yfir þetta ef maður stendur sig ekki í stykkinu?

Hvaða dagur er í dag?

2005-10-05T00:07:00.000Z

Ef ég hefði fæðst í Þýskalandi eða þar í grennd, þá væri þessi maður án efa vinur minn; http://b2.is/?sida=tengill&refresh&id=125888 og ég myndi fara með honum í stórverslanir og kaupa ís og stoppusokka... Annars er bara alveg hreint ljómandi gaman, fór í keilu (veit ekki alveg með þetta keilushit sko) og spilaði hættuspilið á sunnudaginn - er búin að vera vælandi svaka lengi afþví enginn hefur átt það en svo þegar ég loksins komst í það þá skíttapaði ég auðvitað og minningin um þetta spil síðan í den var skyndilega ekki eins heillandi... Þarf allavegana að fara að æfa mig! Annars ætla ég að fara austur um helgina og slaka á og læra heima hjá pabba á meðan hann er að njóta samvista við "ellismellinn" kærustuna sína í námunda við svissnesku alpana... Þá fer maður í það minnsta ekki í keilu á meðan;) Er annars bara frekar heiladauð og rotin pía með feitan rass og finnst gaman að skoða myndasíður af djamminu á netinu - finnst það bara ekkert nördalegt... enda er ég svo afgerandi töff sjálf að EKKI neitt í þessum heimi gæti orðið þess valdandi að ég myndi nokkurn tímann geta talist glötuð!! Hef engan tíma fyrir þessa vitleysu - þarf að farað rembast við að sofna eða reyna að finna e-n sem er til í að skipta nóttunum út fyrir dagana og öfugt, þannig að þessi blessaði sólarhringur fari að henta minni tímaklukku... á örugglega að hafa fæðst annars staðar á hnettinum.

#####

Freaky friday...

2005-09-30T11:57:00.000Z

Einu sinni þegar ég var í e-u vælukasti og vildi flytja úr landi og gera e-ð nýtt, sagði mamma við mig; “Hrund mín, það er alveg sama hvert þú ferð – þú þarft alltaf að druslast með sjálfa þig...” Aha – það er víst alveg onion right, ég kemst víst ekkert án mín, nema kannski setja heilann í krukku og þvælast um allt heiladauð (ekki vitlaust) – en samt væri oft ferlega fínt að geta barasta farið þangað sem manni langaði, sett allt annað í biðstöðu og þotið þangað sem hugurinn (eða heiladauði líkaminn) bæri mann. Án allra vandamála – kaupa sér Kóraninn, Mein Kampf, Inngang að hekli ásamt e-u fleira spennó, og bruna svo bara í áttunda gír með brosið og tannkremið í vasanum einsog Pollíanna í litla rauða rúminu með dvergunum sjö...
Fór að velta ýmsu fyrir mér um daginn í sambandi við vanþroska, hvar liggja mörkin eiginlega í þeim efnum...er nefninlega stundum að standa mig að slíku – Hólímólí, hverjir eru vinir þínir eiginlega!!!

Ætlað farað drullast í sturtu fyrst maður asnaðist ekki á æfingu í morgun (djöfull skal ég fá að finna fyrir illilega fyrir því að hafa klúðrað því) og fara að vinna aðeins. Risabangsaknús*

Drottinn minn dýri alla mína tíð á meðan ég bíð...

2005-09-29T17:24:00.000Z

Held að ég sé komin með e-s konar blöndu af elliglöpum og ungbarnaþreytu - er þreytt allan djöfulsins sólarhringinn einsog hjartveikur hamstur með öndunarörðugleika. Ekki nema maður sé hreinlega bara þunglyndur til upprifjunar um gamla daga. Gæti örugglega bara þrifist þrælvel ein inní holunni minni með slökkt ljós og birgðir af Viking maltöli, sykurlausu appelsíni og fullt af grænum eplum... Myndi kannski hella mig dauðadrukkna einstaka sinnum og hringja í fullt af fólki og fá svo risastóran móral í kjölfarið, draga gardínurnar fyrir og drekka ennþá meira maltölogappelsín! It´s an idea - maður hefur bara úr svo hrikalega miklu að moða þegar kemur að hugmyndum er varða dægrastyttingu. Sit í Alþjóðastjórnmálatíma að pissa í buxurnar og er að hugsa jákvæðar hugsanir til að hvetja mig til þess að drullast í Baðhúsið þegar tímanum lýkur kl. 19 - hvorki fyrr né seinna... Annars er ég ekkert að geta einbeitt mér, Ásta Lára þurfti endilega að minna mig á tvö frekar vandræðaleg og misheppnuð atvik sem hentu mig þegar ég átti heima í Vesturberginu...er búin að vera í nettu einmenningsþagnarhláturskasti hér með sjálfri mér. Hef samt ekki tíma til að upplýsa neitt frekar um innihald þessarara atvika eins og er.

Annars er bara fínt að dinglast í skólanum frameftir kvöldum og á laugardögum. Samt gaman að vera hér því blessaður kennarinn er alnafni hans föður míns vanmáttuga - kannski ég geti höstlað e-ð útá það;) Samt eiginlega alveg búin að ákveða að fara bara til Boston - held það sé skynsamlegast! Síjúleiteralegeiter*

Gaman á miðvikudögum...

2005-09-28T12:08:00.000Z

Góðan dag og gleðilegan hag!!! Var alveg ýkt heví geðveikt dugleg hluta af helginni. Gerði ekkert á föstudaginn og vaknaði svo svaka snemma á laugardaginn, fór í trimform og í skólann og svo að vinna í brúðkaupi hjá bróðir hennar Eyrúnar... Var síðan svo gasalega glöð þegar ég kom heim eftir þennan annasama dag að maður varð að fá sér eitt hvítvínsglas sem varð að þremur og enduðu í afar spennandi heimafylleríi... spennó. Samt sem áður fór maður í keilu og út að borða á Tapas á sunnudaginn, þannig að hann var ekki alveg ónýtur eftir allt saman þó lærdómurinn hafi verið látinn sitja á hakanum - maður fær þá að finna fyrir því núna í staðinn:) Komst líka að því á sunnudaginn að ér er frekar góð í svona sverðagleypingum og finnst ég töff fyrir það! Annars er nánast það eina sem kemst að þessa dagana að hugsa hvert ég eigi að fara í verslunar- og afslöppunarferð... Langar til Boston, en það er svo kalt þar á þessum tíma og líka í NY - nenni varla að fara í 7 eða 9 tíma flug til Sanfran eða Orlando eða e-ð... Æ, fokk it; kemur í ljós - verð allavegana að komast e-ð út... Maður ætti kannski líka bara að fara að tékka á því að kaupa sér hús í Hveragerði til að vera inn - allir að flytja þangað og skilja mig eftir í miðborginni! Meðan ég man Lára mín, get kannski reddað þér e-i mega flottri keðjusög eða til að hafa undir rúminu ef konan kemur til að bomba þig... allur er varinn góður; láttu mig bara vita beibí:)

Gor eða lakkrístöggur...

2005-09-22T12:25:00.000Z

Jæja, geðhvörfin aðeins farin að dvína... Afþví það er svo skemmtilegt hjá stelpunum alltaf á Selfossinu, þá sendi ég þeim bara samúðarkveðjur og smá af gori (sem er hálfmelt fæða í innyflum (jórtur)dýra) afþví hana Láru langaði í svoleiðis fyrr í dag. Ekki það að það sé e-ð athugavert við það. Sökum þess að ég þarf að fara í skólann á laugardaginn, þá tekur því ekki að fara útúr bænum til að koma aftur á sunnudeginum - það tæki því svosem alveg, nema þegar maður hefur um tvennt að velja; annaðhvort að hjóla yfir heiðina, eða æla í rútu yfir heiðina... Hvorugt er að heilla neitt umfram það að fara bara frekar og horfa með ömmu á e-n spænsk-rússneskan framhaldssakamáláþátt svo maður eigi ekki eftir að enda í e-u saurlífi í miðbænum frameftir morgni, finnast svo í minipilsi og magabol með marbletti í andlitinu e-s staðar ráfandi í gufuneskirkjugarði með hækju og götóttan poka. Enda er bara ljómandi að horfa á rúv á laugardagskvöldum!! Jess, djöfull verður gaman. En túttan þarf að truntast í tíma og yrkja andann - Fallegan eftirmiðdag og endalaust sólskin:)

Val og höfnun og kvartanir...

2005-09-20T18:40:00.000Z

Þar sem það er svo mikið að gera í skólanum þessa dagana, þá verður pían líklegast að sleppa djamminu á laugardaginn... gaman - en held maður neyðist þá til þess að koma sér e-ð útúr bænum til þess að fallast ekki í freystni! Annars er helvítis geðheilsan gjörsamlega búin eftir að búa í þessu HELVÍTIS ógeðslega húsi sem ég ákvað að flytja í sjálfviljug - það á að banna svona skítapakk - og afhverju flytur fólk ekki þegar það ákveður að bæta við fjölskyldumeðlimum og kaupir sér stærra hús e-s staðar annars staðar í stað þess að byggja OFANÁ gamla heimilið???? Ding dong - er búin að öskra úr mér raddböndin afþví ég er búin að vera í þunglyndis - volæðiskasti hérna heima og hlusta á hamarshöggin dynja á járninu... GGGGGAAAAAAAArrrrrrrrrrrrrrrrrrrgggggg!Íbúar þessa húss fá í það minnsta ekki örðu af fallegum eða góðum hugsunum frá mér - slíkt er vonandi til á lager annars staðar fyrir þá sem eiga ekkert gott skilið...
Kveðja; Hrund ofstopafulla heiladauð í brjálæðiskasti***

Úje, það er opinbert...

2005-09-15T18:52:00.000Z

... mér finnst svo skemmtilegt að spekúlera í persónugerðum fólks og kynnast týpum með mismunandi og ólík viðhorf til manna og málefna. Það er bara e-ð svo gefandi og áhugavert - en nóg um það. Ég er t.d. einstaklega heppin og þekki fólk sem með svo fallegar sálir, og hugsa til mín með hlýjum hug - því til sönnunar áskotnaðist mér þetta í msn spjalli um daginn: http://mediax.superzooi.com/vids/0536/bme/ æææææææææææææ, ógeðslega kjút eitthvað. En samkvæmt heimildarmanni mínum í innsta hring er samt því miður ekki hægt að fá meira nema gegn greiðslu - bömmer!!
í ljósi manngerða þá hefur Queen Dagný tilkynnt mér það að gerpið hún ég hafi einhvernveginn verið "klukkuð" í afar spennandi eltingaleik sem gengur útá það að kryfja fimm þætti persónunnar sem við á hverju sinni til mergjar. Helv... en þar sem ég er nett frík og pínu twisted, þá ætti þetta ekkert að verða of mikil hindrun.

1. Er frekar dramatísk og kann svo sannarlega að gera minnstu mýflugu að ofvöxnum úlfalda - gat t.d. gert Ítalíuferð með mömmu árið 1992 að hörmulegum atburði mörgum mánuðum áður en við fórum og gat ekki farið í skólaferðalög á yngri árum af ótta við e-ð óskiljanlegt... Held það fylgi því bara að vera bældur...

2. Kann ekki að segja nei - beygi mig bara og þegi við hvert tækifæri;) Veit ekki hvort það megi rekja e-ð til alkahólisma í fjölskyldunni eða bara veimiltítugens, í það minnsta ekki alltaf hentugt...

3. AAAAALLLTAAAAAF á seinasta snúning, kannski afþví það er svo gaman að láta bíða eftir sér eða því það er svo praktískt að snappa og öskra þegar maður finnur ekki neitt og er óskipulagður í seinaganginum í þokkabót...

4. Dýrka að dansa við góða tónlist, en það er ekki alltaf gaman að horfa til baka og sjá sig fyrir sér einsog vangefið skordýr á dansgólfinu, uppá sviði, við barinn eða bara þar sem hægt er að vera yfir höfuð... samt svaka gaman á meðan á því stendur þó það vilji oft dragast á langinn... Kannski þarf maður á endanum að horfast í augu við það að eiga við örlítið sjálfsstjórnarvandamál að stríða...

5. Handrið, dyrahúnar, salernisammoníaksfýla og klósettsetur, hinar ýmsustu lyktir og annað almennings... Ekki að meika það í orðsins fyllstu. Kemur í kjölfar klígjugirninnar sem fylgir mér í hvert fótmál. Bara get ekki tekið þátt í svona hlutum eða komið við. Að ímynda sér allt það sauruga sem hefur átt viðkomu þarna... ummmmmmmmmmmmmmmmmm

...þegar allt kemur til alls, þá gæti ég haldið áfram í dágóðan tíma, en þar sem maður er ekki einn í heiminum, þá verð ég að segja "KLUKK" við Láru Jó, Ingu ghetto og Kidda danska - þar sem ég er nánast viss um að ekki mikið fleiri en þau, auk túttunnar sem tróð mér inní þennan leik kíki hérna við á góðum dögum...
Gott gengi, elskurnar og klukkið sem flesta - geriði það í þágu þeirra sem fíla það!!!

...I Still have last Night in my Body...

2005-09-13T21:48:00.000Z

Komst að því fyrir víst að Gusgus er að spila á Nasa 24. sept. - geggjað (maður er svo skarpur að hafa ekki bara kíkt á dagskrána fyrr). En damn hvað það verður gaman, alltaf skuggalega gaman þegar þau standa fyrir tjútti:)
....I Wish you were with me - David... Djöfull er gaman hérna!!!

Countryfílingur og mótmæli.

2005-09-12T08:26:00.000Z

Howdí hó. Fór í Borgó að vinna smá á fimmtudaginn, svaf í þrjá tíma og kláruðum systemið á föstudagskvöldinu - ummmmmmmmmm.... Rétt náði svo í skottið á móður sælli og dinglaðist með "utanreykjavíkurheimsókn" til afslöppunar og yndisauka. Thank god for that. Annars væri maður örugglega frekar hakkaður á því sko. Enda er geggjað að gera í skólanum núna, þarf t.d. að vera þar næstu 3 laugardaga; vííííí. Svo er maður að spá í að fara í mótmælagöngu, þó ég endi fokkings ein (reyndar er Lárfríður til í að koma með ef hún fær að borða á meðan á þessu stendur). Á nefninlega svo sæta ömmu (meiraðsegja tvær) sem er bara að borga skatta af ellilífeyrinum sínum og af því sem hún erfði við það að verða ekkja!!! Ding dong - svona gerir maður bara ekki við gamalt krúttlegt fólk sko - og þó það væri ekki krúttlegt, heldur bara hundleiðilegt og röflandi, er samt sem áður ekki réttlæting fyrir því að setja á það tvísköttun. Þannig að túttan hún ég ætlað fara í svörtum spreyjuðum ruslapoka og mótmæla þessháttar framkomu hið fyrsta. Hringdi í Helga Hó og hann er til í að kíkja með mér og hjálpa til við skiltagerðina, samt ekki í ruslapoka - enda fer það ekki öllum vel að vera í slíku! En nú þarf ég að fara og lesa og svona - þannig að; megi heilög hamingjan vera með ykkur þangað til næst:)

Umfram allt stabíl...

2005-09-05T00:11:00.000Z

Tja, "gardínufylleríið" endaði aðeins öðruvísi en sjálfvitundin hafði áætlað - endaði í e-u bölvuðu sulli, misheillandi samræðum, keiluferð (kemur á óvart), meira sulli og viðbjóði þar til ekki kom annað til greina en að neyðast til að játa sig sigraðan! Ekki það að kellingin hafi alltaf staðið við stóru orðin, en það virðist sem svo að ekki sé hægt að framkvæma neitt öðruvísi en að draga fram sirkusgallann og renna í nettri drullu allt til enda. Núna er það allavegana alveg á tæru að nágrannarnir fíla mig a.m.k. helmingi betur en áður. Nánast viss um að e-s staðar sé að finna útúrtætta, gataða og skorna vúdúdúkku með nafninu mínu ísaumuðu. En því miður er ekki á allt kosið og þar sem sjálfsaginn kemur oft frekar tjónaður til leiks, þá þýðir ekkert að tuða ef ekkert lærist. Skólinn að byrja á morgun, þannig að heiladauðinn fær greinilega ekki að festa rætur akkúrat núna. Töff...

Súra kona - hmmm...

2005-09-02T22:43:00.000Z

Þá er komið að því - maður er hættur að vinna og skólinn byrjaður. Kom frá Frisco í gær þannig að fyrsti skóladagurinn fór e-ð aðeins forgörðum í mínu tilviki, en það var svosem alveg þess virði. Náði að versla e-ð smá og detta í það með hluta áhafnarinnar þegar við lentum (maður er alltaf svoooooo stabíll og praktískur), enda fáir eins skemmtilegir í áfengisvímu og maður sjálfur ; þannig að fyrsti dagurinn fór í það að vera með pínu móral, drekka gos og lesa slúðurblöð inní herbergi; ekkert gaddem væl eða vesen. Svo er maður ekki fyrr kominn heim, en fólk er farið að hella yfir mann áfengi og suddalegum dónatón. E-ð svaka kvöld á Nasa, en pían er svo skuggalega leiðinleg að tölvan, sjónvarpið og gardínufyllerí heillar meira...

Over and in*

Misgagnlegir eiginleikar.

2005-08-28T08:32:00.000Z

Af öllum þeim göllum sem ég hef fengið að druslast með, þá hefur án efa einn sá stærsti verið falinn í því að dæma e-n vegna e-s konar fyrirfram ákveðinnar hugmyndar um viðkomandi. Sem betur fer er slíkt liðin tíð. Ég var oft búin að mynda mér tiltekna skoðun um að e-r væri svona eða hinsegin vegna einhverra svipbrigða, líkamstjáninga og jafnvel af sögusögnum. Þetta fannst mér ekkert athugavert og skammaðist mín ekkert fyrir að baktala eða dæma ókunnuga manneskju án nokkurra eða a.m.k. takmarkaðra forsendna - að auki stóð ég sjálfa mig oft að því að hakka hvern þann í mig sem hafði sagt e-ð neikvætt í hvað mig varðaði. Í fyrsta lagi er þetta gríðarleg sóun á tíma sem og algjörlega óþarft. Í rauninni hefur samt enginn rétt á því að niðra nokkurn án viðveru þess sem við á, þar sem viðkomandi getur í það minnsta svarað fyrir sig hverju sinni; sama hvort um sé að ræða tilfelli byggt á siðferðilega réttum eða röngum grunni.
Margt smátt gerir eitt stórt og það er nú einu sinni þannig að enginn er fær um að breyta manni nema maður sjálfur...

Jebbs,dauður sauður...

2005-08-23T03:13:00.000Z

Ég er heiladauðari en niðurtraðkaður sveppur í eyðimörk... oj bara hvað það er viðbjóðslegt að soafa í 1/2 tíma fyrir próf. Maður er svo bjartsýnn alltaf og ætlar að græja það að læra bara á 4 tímum og that´s it... ekki alveg - því það er nauðsynlegt að gera þetta jafnóðum og lesa a.m.k. einu sinni yfir hvert ég SKAL gera það í haust og vetur!!! Annars lofa ég hér með að gefa útlimi mína, hár og annað nýrað til góðgerðarstar og auglýsa það í nafni fiskvinnslustöðvarinnar "Með ugga". Hlakkar samt ponsu til þess að byrja aftur í skólanum - fór meira að segja og tók kennslubækur á bókasafninu og keypti mér eina líka. Maður er ekki kallaður Hrund að ástæðulausu! En annars bara ljúfa nótt og gleðilega helgi í bili. Risaknús*

E-ð svona mismennskt...

2005-08-19T20:54:00.000Z

"Komdu fram við aðra eins og þú vilt að þeir komi fram við þig"... Ég er nánast viss um það að frekar færri en fleiri hafi alist uppvið það að fá slík gæfuorð útá grautinn sinn í gamla daga. Mikill hluti fólks er á stundum svo innilega sjálfhverft og eiginhagsmunasinnað að það er svona nett gubbufýla af þeim. Lof sé þeim sem gefa sjálfum sér færi á því að vera mennskir. Einu sinni byrjaði ég á því að skrifa niður ævisögu mína (sem á án efa eftir að verða svaka stórt númer í bókaheiminum einhvern daginn), en einhverra hluta vegna varð e-ð minna úr ritinu þann daginn. Það sem aftur á móti væri örugglega sniðugt að henda í smá handbók, væru nokkur orð um samskipti fólks, framkomu og viðmót almennt. Það væri kannski líka sniðugt að hafa e-s konar "Biturðarlínu" svipað og vinalínur og stefnumótalínur; þar gæti fólk tuðað, verið fúlt á móti og leiðinlegt hvenær sem þörf væri á. Svo væri jafnvel hægt að færa út kvíarnar og gera veruleikaþætti um fólk sem skammast í afgreiðslufólki verslana ef brauðið sem það kaupir vanalega er búið, bananarnir illa þroskaðir eða vöruverð of hátt.

Spurning er hvort "vitsmunavera" geti talist réttnefni...